2 Asa waubilenga byawama ne byaoloka kwi Yehoba Lesa wanji. 3 Wafumishemo bya kusokelapo bitapisho bya balesa bangi+ ne mapunzha atuntama, wakundawile mashiki azhila+ ne kutema bichi* bya milumbulumbu byazhila.+ 4 Kabiji waambijile bena Yuda kukeba Yehoba Lesa wa bashakulu babo ne kulondela Mizhilo ne mikambizho yanji. 5 Onkao mambo, mu mizhi yonse ya mu Yuda wafumishemo mapunzha atuntama+ ne bya kusokelapo bya kufutumuna binunka bulongo, kabiji mu bufumu bwanji mwatwajijile kwikala mutende.

11 Kepo Asa abijikile kwi Yehoba, Lesa wanji+ amba: “Anweba Yehoba, kechi kyakatazha kwi anweba kukwasha bantu bavula nangwa boba babula ngovu ne.+ Anweba Yehoba Lesa wetu, tukwashai, mambo twakinka manungo mwi anweba,+ ne mu jizhina jenu mo mo twaishila na kulwa na jino jibumba.+ Anweba Yehoba, yenu Lesa wetu. Kange muleke muntu ufwa emushinde ne.”+

17 Bino mapunzha atuntama kechi beafumishemo+ mu Isalela ne.+ Nangwa byonkabyo, Asa waingilanga na muchima wanji yense* mu bumi* bwanji bonse.+