29 “Umvwe mukamukebe Yehoba Lesa wenu kokwa, kine mukamutaana,+ umvwe mukamukebe na muchima wenu yense ne na mweo* wenu yense.+

3 Mfumu waimene kwipi na jishiki ne kulayañana nabo lulayañano* ku meso a Yehoba+ amba, ukalondelanga Yehoba ne kulama mikambizho yanji, ne bya kuvululako byanji, ne malamuna anji na muchima wanji yense ne na mweo* wanji yense kupichila mu kulondela byambo bya mu luno lulayañano byonka byanembwa mu uno buku. Kabiji bantu bonse baswile luno lulayañano.+

28 Bantu bakwabo bonse, ko kuba’mba, bañanga, bena Levi, bakasopa ba pa bibelo, banyimbi, bakalume* baingijilanga ku nzubo ya Lesa, ne bantu bonse bepaatwileko ku bantu bonse ba mu byalo kuba’mba balondele Mizhilo ya Lesa wa kine,+ pamo na bakazhi babo, baana babo ba balume, ne baana babo ba bakazhi, aba bonse bajinga na maana kabiji bakonsheshe kukwatakanya* bintu, 29 bakwatankene pamo na balongo babo, banabalume baya nkuwa, ne kwikasa abo bene na jifingo ne na luchipo, kuba’mba bakendanga mu Mizhilo ya Lesa wa kine yo apaine kupichila mwi Mosesa kalume wa Lesa wa kine, ne kuba’mba bakalamanga mikambizho yonse ya Yehoba Nkambo yetu, mizhilo yanji, ne malamuna anji.