24 abo ne bisaka bya bantu byonse bakashikisha’mba, ‘Mambo ka Yehoba o aubila kino kyalo bibye?+ Ñanyi kintu kyalengejile kuba’mba azhingile bibye?’ 25 Kepo bakamba’mba, ‘Ke na mambo a kuba’mba balekele lulayañano lwa Yehoba,+ Lesa wa bashakulu babo, lo alayañene nabo kimye kyo ebafumishe mu kyalo kya Ijipita.+

9 “Kabiji obewa mwanami Solomone, umuyuke Lesa wami amiwa shobe ne kumwingijila* na muchima yense+ ne na lusekelo, mambo Yehoba ukebakeba mu michima yonse,+ kabiji umona milanguluko yonse.+ Inge wamukeba, aye ukesolola kwi obewa,+ bino inge wamusha, aye ukakukana kikupu.+

2 Onkao mambo, wayile na kutundaila Asa ne kumwambila’mba: “Ntelekai, anweba ba Asa ne anweba bena Yuda bonse ne bena Benjamina! Yehoba ukekala ne anweba umvwe mwatwajijila kwikala nanji;+ umvwe mwamukeba, ukesolola kwi anweba,+ bino umvwe mwamukana, ne aye ukemukana.+