7 Yosiya wapele bantu bonse matanga, baana ba mikooko balume ne baana ba bambuzhi balume, bajinga ba Kijiilo kya Lupitailo ne ba bantu bonse batainweko, mu ano matanga mwafumine banyama 30,000, ne bañombe bajinga 3,000. Bino byafumine mu bunonshi bwa mfumu.+ 8 Babinemanga banji nabo bapaine bupe bwa mulambo wa kwifuukwila wa bantu, wa bañanga ne wa bena Levi. Hilikiya,+ Zekaliya ne Yehiela, bantangi ba ku nzubo ya Lesa wa kine, bapele bañanga banyama ba Kijiilo kya Lupitailo 2,600 ne bañombe 300.