4 Modekai+ byo aumvwine bintu byonse byaubiwe,+ watabwile bivwalo byanji ne kwinyinga kisapi kya majila ne kwishinga buto. Kepo ayile mukachi ka muzhi, kabiji wajijile jibingo. 2 Wapelejiletu ku kibelo kya mfumu, mambo kafwako nangwa umo wafwainwe kutwela mu kibelo kya mfumu saka enyinga kisapi kya majila ne. 3 Kabiji mu kibunji kyonse+ mwafikile byambo bya mfumu ne mukambizho wanji, mwajinga mabingo akatampe mu Bayudea, kabiji bazhikijilwenga na nzala+ ne kujila ne kuwowakana. Bavula balaajilenga pa bisapi bya majila ne mu buto.+