• Byubilo 12:21-23
    Baibolo wa Binembelo bya Ntanda Ipya

    • 21 Pa juba jatongwelwe, Heloda wavwajile bivwalo bya bufumu ne kwikala pa kipona kya kuchibilapo mambo, ne kutendeka kwamba ku bantu. 22 Kepo bantu bakonkene batendekele kubijika’mba: “Jino ke jiwi ja lesa, kechi ja muntu ne!” 23 Ponkapotu malaika wa Yehoba* walengejile Heloda kukolwa, mambo kechi wapele Lesa lukumo ne; kabiji bamujile ku mapila ne kufwa wafwile.