• Salamo 53:kamutwe-6
    Baibolo wa Binembelo bya Ntanda Ipya

    • Kwi ntangi; mu musango wa Mahalata.* Masikila.* Salamo wa Davida.

      53 Muntu wakosama* wamba mu muchima wanji amba:

      “Yehoba ufwako.”+

      Byubilo byabo byabula koloka byatama kabiji bya bunya;

      Kafwako nangwa umo uba byawama ne.+

       2 Bino Lesa mwiulu utala panshi pa baana ba bantu+

      Kuba’mba amone inge pajipo uji na milangwe, kabiji inge pajipo ubena kukeba Yehoba.+

       3 Bonse basenduka;

      Bonsetu batama.

      Kafwako nangwa umo uba byawama ne,

      Kafwako nangwa umotu ne.+

       4 Nanchi pa bangubabibi kafwapo nangwa umo ukwatakanya bintu nenyi?

      Baja bantu bami uba nobe babena kuja kajo.

      Kechi beta pe Yehoba ne.+

       5 Bino bakomvwa moyo mukatampe,

      Moyo ye bakyangye* kumvwapo kala,

      Mambo Lesa ukapalañanya bikupa bya boba babena kukulukuka.*

      Ukebalengesha bumvu, mambo Yehoba wibakana.

       6 Lupulukilo lwa Isalela lufume ku Ziona!+

      Yehoba byo akakonkanya bantu banji bo batwajile mu buzha,

      Yakoba akasekele, kabiji Isalela akasangalale.

  • Loma 3:10-12
    Baibolo wa Binembelo bya Ntanda Ipya

    • 10 byonkatu byo kyanembwa’mba: “Kafwako muntu waoloka nangwa umotu ne;+ 11 kafwako uji na milangwe ne; kafwako ukebakeba Lesa ne. 12 Bantu bonse basenduka, bonse baikala ke batutu; kafwako nangwa umo uji na lusa, kafwako nangwa umotu ne.”+