20 Onkao mambo, amiwa nkatanyika kuboko kwami ne kupuma kyalo kya Ijipita na bya kukumya byami byonse byo nkoba mu kino kyalo, kepo aye akemuswisha kuya.+

34 Nanchi kujipo Lesa wakifumyapo kala kisaka mu kisaka kikwabo kupichila mu kwibeseka* na biyukilo, na bya kukumya,+ na nkondo,+ ne na kuboko kwa bulume,+ na kuboko kwakosa ne na mingilo ilenga moyo,+ byonkatu Yehoba Lesa wenu byo aubile kwi anweba mu Ijipita saka mutalako nyi?

51 Wauba bintu bya bulume na kuboko kwanji; wibapalañanya belundumika na milanguluko ya mu michima yabo.+