43 Byo amwesheshe biyukilo byanji mu Ijipita+

Ne bya kukumya byanji byo amwesheshe mu mpunzha ya Zowana,

44 Ne byo aalwile tunkololongwa twa mu Nile ke mashi+

Kya kuba bakankelwe kutoma mema a mu tukola twabo.

45 Watumine malunzhi avula asumana kuba’mba ebaje+

Ne mabombwe kuba’mba ebonaune.+

46 Kajo kabo wikapaine ku nzhiye yajinga na nzala ikatampe,

Ne kajo kafumine mu mingilo yabo bekajiile ku nzhiye.+

47 Waonawine miñanzañanza yabo na mvula mukatampe+

Ne bichi byabo bya mikuyu byaonaikile na mvula wa mabwe.

48 Banyama babo bo baingijishanga wibapaine ku mvula mukatampe+

Ne banyama babo ba kulela wibapaine ku tupenyi.*

49 Wibabuukijile bukaji,

Kwibazhingijila ne kwibakabisha,

Ne kutuma bamalaika kwibaletela bya malwa.

Abo* kechi wibapokolwele ku lufu ne;

Kabiji abo* wibepayile na mwalo.

51 Kepo aipayile babeji bonse ba mu Ijipita,+

Bonka batanshi kusemwa mu matente a kwa Hama.