7 Ponkapo Yehoba wamwekele kwi Abulama ne kumwambila’mba: “Kino kyalo+ nkekipana ku baana* bobe.”+ Onkao mambo, washimikile kya kusokelapo bitapisho kwi Yehoba, yenka wamwekele kwi aye.

13 Kepo Lesa aambijile Abulama amba: “Uyuke kino kwa kubula kuzhinauka amba baana* bobe bakekala benyi mu kyalo kyabula kyabo kabiji bakebanonka buzha ku bantu bekalamo ne kwibamanyika myaka 400.+ 14 Bino amiwa nkazhachisha bisaka byo bakengijilanga+ kabiji bakafumamo saka basenda bintu byavula.+

24 Mu kuya kwa moba, Lesa waumvwine kujilakana+ kwabo kabiji wavulukile lulayañano lo alayañene ne Abalahama, Izaka ne Yakoba.+

5 Kechi na mambo a bololoke bwenu nangwa koloka kwa michima yenu ko kukemulengela kutwelamo ne kutambula kyalo kyabo ne. Bino mukekitambula na mambo a bubi bwa bino bisaka Yehoba Lesa wenu byo abena kupanga kufuma kwi anweba,+ ne kuba’mba Yehoba akafikizhe byambo byanji byo achipile ku bashakulu benu ba Abalahama,+ Izaka+ ne Yakoba.+