18 Kabiji Melekizedeke+ mfumu wa Salema+ wamuletejile shinkwa ne binyu; uno wajinga ñanga wa kwa Lesa Mwine Wakila.+

5 Byonkabyo, ne Kilishitu naye kechi witumbijikile+ kwikala ñanga mwine mukatampe ne, bino bamutumbijikile ku yewa wamwambijile’mba: “Obewa wi mwanami; lelo jino yami shobe.”+ 6 Kabiji waamba mu Kinembelo kikwabo amba, “Obewa wi ñanga wa myaka ne myaka byonka byajinga Melekizedeke.”+

19 Tuji na luno luketekelo+ luji nobe kimiko kya mweo* wetu, lwa kine kabiji lwakosa, kabiji lutwela mu kipembe,+ 20 mo etutwelelako awa watangilako kala, aye Yesu+ waikala ñanga mwine mukatampe myaka ne myaka byonka byajinga Melekizedeke.+

3 Shanji ne inanji kechi bayukanyikwa ne. Kisemi kyanji nakyo kechi kyayukanyikwa ne. Kabiji bantu kechi bayuka juba jo asemekelwe nangwa jo afwile ne. Bino aye bamwalwile kwikala nobe Mwana Lesa, ñanga wa kikupu.*+

11 Umvwe kulumbuluka kwamwekejile mu buñanga bwa bena Levi+ (mambo Mizhilo yo bapele bantu yavwangilemo ne buñanga), pano mambo ka o kwakebewenga amba kwikale ñanga mukwabo byonka byajinga Melekizedeke+ kechi byajinga Alona ne?