26 Ku muntu wa kishinka mukekala ba kishinka;+

Ku muntu wabula kaneneno, wa bulume, mukekala babula kaneneno;+

27 Ku muntu watoka mukekala batoka;+

Pakuba ku muntu wa bujimbijimbi mukekala bajimuka.*+

28 Mambo anweba mupulusha boba bepelula,+

Bino aba belundumika kechi mwibata muchima ne, kabiji mwibapelula.+

29 Mambo anweba Yehoba, yenu lampi wami;+

Yehoba ye utokesha mfishi mo nji.+

30 Na bukwasho bwenu nakonsha kushinda nzhita ya balwanyi;

Na bulume bwa Lesa nakonsha kukanjila ku lubumbulu.+

31 Jishinda ja Lesa wa kine jalumbuluka;+

Byambo bya Yehoba byawama.+

11 Mambo aye ukafweta muntu monka mwayila bintu byo oba+

Ne kumuswisha kupita mu bintu bifuma mu byo oba.