-
Bahebelu 11:32-34Baibolo wa Binembelo bya Ntanda Ipya
-
-
32 Nanchi ñambe’mba ka? Mambo kimye kisakunkepela umvwe ntendeke kwamba pa byamwekejile Gidiona,+ Balaka,+ Samisonyi,+ Yefita,+ Davida,+ Samwela+ ne bangauzhi bakwabo. 33 Lwitabilo lwibalengejile kushinda bufumu,+ kuba byaoloka, kutambula milaye,+ kushinka tunwa twa mabokwe,+ 34 kuzhimya bulume bwa mujilo,+ kupuluka ku mpoko,+ kutambula bulume mu kubula kukosa kwabo,+ kwikala bilobo mu nkondo,+ ne kushinda mazhita a balwanyi.+
-