20 Ponkapo Mosesa ne Alona baubile monka Yehoba mo ebakambizhizhe. Washikwile kamama ne kwikapuma pa mema a mu Mukola wa Nile, Felo ne bakalume banji saka batalako, ne mema onse ajinga mu mukola aalukile ke mashi.+

6 Onkao mambo, Alona watanyikile kuboko kwanji pa mema a mu Ijipita ne mabombwe atuntukile ne kukumbana kyalo kyonse kya Ijipita.

17 Ne abo baubile byonkabyo. Alona watanyikile kamama na kuboko kwanji ne kupuma pa lukungu lwa panshi ne mbwibwi yaishile pa bantu ne pa banyama. Lukungu lonse lwa panshi lwaalukile ke mbwibwi mu kyalo kyonse kya Ijipita.+

6 Kabiji Yehoba waubile kino kintu pa juba jalondejilepo, mitundu yonse ya banyama ba mu Ijipita yatendekele kufwa,+ pano bino kafwako kilelwa nangwa kimo kya bena Isalela kyafwile ne.

10 Byonkabyo, bashikwile buto bwa mu kibili ne kukemana kwi Felo, kabiji Mosesa wibululwile mu mwela, ne buto bwaletele tusungupute twatumbile bantu ne banyama.

23 Ponkapo Mosesa watanyikile kamama kanji mwiulu, kabiji Yehoba watumine kutatauka kwa mvula ne mvula wa mabwe ne mujilo* waponejile panshi, kabiji Yehoba wanokeshe mvula wa mabwe pa kyalo kya Ijipita.

12 Kabiji Yehoba waambijile Mosesa amba: “Tanyika kuboko kobe pa kyalo kya Ijipita kuba’mba nzhiye iye mu kyalo kya Ijipita ne kuja bijimwa byonse bya mu kyalo ne byonse byabujile konaika na mvula wa mabwe.”

21 Kabiji Yehoba waambijile Mosesa amba: “Tanyika kuboko kobe mwiulu kuba’mba mu kyalo kyonse kya Ijipita mwikale mfishi yafitatu bwii.”