6 Mambo Yehoba walengejile bena Silya bajinga mu kampu kumvwa kyungwe kya makalaki a nkondo ne kya bambili, kyungwe kya nzhita ikatampe.+ Kepo beambijilenga mulwabo amba: “Umvwai! Mfumu wa bena Isalela witwichila bamfumu ba bena Hiti ne bamfumu ba Ijipita kuba’mba balwe ne atweba!” 7 Ponkapotu baimene ne kunyema kimye kya muntuwa muntuwa, bashile matente abo, bambili babo, ne bambongolo babo, kabiji kampu yense bamushiletu byonka byo ajinga, kabiji banyemene amba bapulushe bumi* bwabo.