• Byambo bya Maana 23:29-35
    Baibolo wa Binembelo bya Ntanda Ipya

    • 29 Bañanyi bamona bya malwa? Bañanyi baji na bulanda?

      Bañanyi batoboka? Bañanyi bejizhanya?

      Bañanyi bekozha pabula mambo? Bañanyi bachila* meso?

      30 Aba bonka babanda pa binyu;+

      Bonka bakeba* binyu byo bavwangakanya.

      31 Kange umone binyu byo byachila ne

      Saka bibekauka mu katomeno ne kupita bulongo pa mujibu,

      32 Mambo ku mpelo bisumana nobe muloolo,

      Kabiji bilupula bulembe nobe kipiji.

      33 Meso obe akamona bintu byabula kufwainwa.

      Ne muchima wobe ukambanga bintu byatama.+

      34 Kabiji ukekala nobe muntu walaala pakachi ka kalunga ka mema,

      Nobe muntu walaala peulu ya mulongochi wa bwato.

      35 Ukamba’mba: “Baji kumpuma bino kechi naji kumvwa kutanta ne.

      Baji kumpuma, bino kechi naji kuyuka ne.

      Ñanyi kimye kyo nsakubuuka?+

      Mbena kukeba kutoma jikwabo.”*