26 Byonkabyo, basendele mwana ñombe ye bebapele ne kumunengezha, kabiji baichilenga pa jizhina ja Baela kufuma lukelo kufika ne pa kushinkamana juba, saka bamba’mba: “Anweba Baela, tukumbulai!” Bino kechi kwajinga jiwi nangwa wa kwibakumbula ne.+ Batwajijile kukilauka saka bazhokoloka kya kusokelapo bitapisho kyo balengele.

37 Onkao mambo, Senakelibu Mfumu wa Asilya wafumineko ne kubwela ku Ninevwa+ ne kukekala konkakwa.+ 38 Kabiji byo afukamine ku nzubo* ya kwa Nishiloka lesa wanji, baana banji ba kwisemena ba Adalameleki ne Shaleza bamutapile na mpoko+ kabiji banyemejile ku kyalo kya Alalata.+ Mwananji aye Eshadona+ waswaine pa mfumu.

5 Bavuwa bwato baumvwine bingi moyo kya kuba bonse batendekele kwita au lesa wanji au lesa wanji kuba’mba ebakwashe. Kabiji batendekele kutaya bipe byajinga mu bwato pa kalunga ka mema, pa kuba’mba bupeleko.+ Bino Yona wajinga mu bwato, mo alaajile mu tulo twine.