BUTALA BWA MABUKU BWA PA INTANETI

BUTALA BWA MABUKU BWA PA INTANETI

Kyamba kya Usopa

BUTALA BWA PA INTANETI

Mpitulukilo ya mu mizhilo 30:1

Baibolo wa Binembelo bya Ntanda Ipya
- 30 “Bino byambo byonse byo bikemufikila, mapesho ne mafingo o nemubuula,+ ne anweba mukeavuluke*+ mu bisaka byonse bya bantu byo akemupalañenyamo Yehoba Lesa wenu,+

Mpitulukilo ya mu mizhilo 30:3

Baibolo wa Binembelo bya Ntanda Ipya
- 3 Yehoba Lesa wenu ukabwezha bazha benu+ ne kwimubila lusa+ ne kwimukonkanya jibiji kufuma mu bantu bonse bo akemupalañenyamo Yehoba Lesa wenu.+

Salamo 30:5

Baibolo wa Binembelo bya Ntanda Ipya
- 5 Mambo bukaji bwanji bo bwa kakimyetu kacheche,+
  Bino bibusa byanji byo bya moba onse.+
  
  Mabanga kwakonsha kwikala kujila, bino lukelo, kwikala kusangalala.+

Salamo 106:47

Baibolo wa Binembelo bya Ntanda Ipya
- 47 Tupulushai, anweba Yehoba Lesa wetu,+
  Kabiji tukonkanyai pamo kufuma mu bisaka bya bantu+
  Pa kuba’mba tusanchilenga jizhina jenu jazhila
  Ne kusangalela mu kwimutota.*+

Isaya 27:12

Baibolo wa Binembelo bya Ntanda Ipya
- 12 Pa joja juba, Yehoba ukemupwizha pamo anweba bena Isalela+ umo umo kwimufumya ku mapunzha a ku Mukola* kukafika ne ku Kimpachiko kya Ijipita,+ byonkatu muntu byo akunta bipangwa ku kichi ne kwibitolaula kimo kimo.

Yelemiya 29:10

Baibolo wa Binembelo bya Ntanda Ipya
- 10 “Mambo Yehoba waamba’mba, ‘Myaka 70 ya kwikala mu Babilona byo ikapwa, amiwa nkemubila bibusa+ kabiji nkafikizha mulaye wami ye nalayile ne kwimubwezha mu ino mpunzha.’+