49 “Yehoba ukemuletela kisaka kya bantu kiji kwalepa,+ kufuma kwapela ntanda; kikemulukuka byonkatu byuba mpungu,+ kisaka kyamba mulaka ye mukabula kumvwa,+ 50 kisaka kiji na bantu bashinta, bakabula kunemeka mukote nangwa kubila lusa mwanyike.+ 51 Bakaja baana ba bilelwa byenu ne kajo kakafuma mu bujimi bwenu kufikatu ne byo mukavila. Kechi bakashapo kajo nangwa kamo, binyu bya katataka nangwa manyi, baana ba bañombe nangwa ba mikooko yenu ne, kufikatu ne byo bakemonauna.+

17 Bakonauna majimi enu ne kajo kenu.+

Bakepaya baana benu ba balume ne baana benu ba bakazhi.

Bakepaya mikooko ne bañombe benu.

Bakonauna bichi byenu bya miñanzañanza ne bya makuyu.

Mizhi yenu yakosa yo mwakinkamo manungo bakeyonauna na mpoko.”