BUTALA BWA MABUKU BWA PA INTANETI

2 Bamfumu 17:13, 14

Baibolo wa Binembelo bya Ntanda Ipya
- 13 Yehoba wibajimwinengako bena Isalela ne bena Yuda kupichila mu bangauzhi banji bonse ne bonse bamonanga bimwesho+ amba: “Kilekai kwenda mu mashinda enu atama!+ Lamainga mikambizho yami ne malamuna ami monka mwayila mizhilo yonse yo nakambizhe bashakulu benu ne yo nemutumijile kupichila mu bakalume bami bangauzhi.” 14 Bino kechi baumvwine ne, batwajijile kukosesha michima yabo byonkatu byajinga* bashakulu babo babujile kwitabila mwi Yehoba Lesa wabo.+

Hoseya 7:10

Baibolo wa Binembelo bya Ntanda Ipya
- 10 Bwitote bwa bena Isalela bwibashinawina abo bene,+
  Pano bino, kechi babwela kwi Yehoba Lesa wabo ne,+
  Kabiji kechi bamukeba nangwa kya kuba bino bintu byonse bibamwekela ne.

Amosi 4:6

Baibolo wa Binembelo bya Ntanda Ipya
- 6 ‘Kabiji amiwa, natokeshe meno enu na mambo a kubula kajo* mu mizhi yenu yonse
  Ne kulengela kajo kupwa mu mazubo enu onse;+
  Bino kechi mwabwelele kwi amiwa ne,’+ byo byaamba Yehoba.

Amosi 5:6

Baibolo wa Binembelo bya Ntanda Ipya
- 6 Mukebai Yehoba kuba’mba mwikalenga na bumi,+
  Pa kuba’mba abule kuteema nobe mujilo pa ba mu nzubo ya kwa Yosefwa,
  Ne kusoka Betele, kwa kubula nangwa umo wa kumuzhimya.