• Yelemiya 50:29
    Baibolo wa Binembelo bya Ntanda Ipya

    • 29 Ambilai bataya miketo kuya na kulukuka Babilona,+

      Anweba bonse mubena kuvwemuna* buta bwa mukanda.

      Muzhokolokai; kange muleke muntu nangwa umo anyeme ne.

      Mubilai monka mwayila byubilo byanji.+

      Mubai byonka byo aubile.+

      Mambo aye wauba bintu bya bwitote kwi Yehoba,

      Kwi aye Wazhila wa Isalela.+

  • Danyela 5:22, 23
    Baibolo wa Binembelo bya Ntanda Ipya

    • 22 “Pano bino, anweba baana babo, ba Beleshaza kechi mwipelula ne, nangwa kya kuba bino byonse mwibiyuka. 23 Anweba mwitumbijika ne kulengulula Nkambo wa mwiulu,+ kabiji mwatumine bantu kwimuletela bipe bya mu nzubo yanji.+ Kabiji anweba ne babinemanga benu, bantombo benu ne bakazhi benu bakwabo mwatomejilenga binyu mu bino bipe kabiji mwatakaikilenga balesa ba siliva, ba ngolode, ba mukuba, ba kyela kya kapotwe, ba bichi ne ba mabwe, balesa babula kumona, kumvwa nangwa kuyuka kintu nangwa kimo.+ Kabiji kechi mwatumbijika Lesa ulama bumi bwenu+ ne kwimutangijila mu mashinda enu onse ne.