• Isaya 40:9
    Baibolo wa Binembelo bya Ntanda Ipya

    •  9 Kanjila peulu ya mutumba walepa,

      Obewa mwanamukazhi ubena kuleta mambo awama mu Ziona.+

      Bijika na jiwi jakosa,

      Obewa mwanamukazhi ubena kuleta mambo awama mu Yelusalema.

      Bijika, kange uchine ne.

      Bijika ku mizhi ya Yuda amba: “Lesa wenu uno.”+

  • Yelemiya 31:12
    Baibolo wa Binembelo bya Ntanda Ipya

    • 12 Bakeya ne kubijika na lusekelo pa mutumba wa Ziona+

      Ne kusekela pa bintu byawama byauba* Yehoba,

      Ko kuba’mba kajo, binyu bya katataka,+ manyi

      Ne baana ba mikooko ne bañombe.+

      Abo* bakekala nobe mashamba o batekezha bulongo,+

      Kabiji kechi bakakonyangalapo jibiji ne.”+

  • Yelemiya 33:10, 11
    Baibolo wa Binembelo bya Ntanda Ipya

    • 10 “Yehoba waamba’mba: ‘Ino mpunzha yo yo mukamba’mba yashalatu masala mwabula bantu ne banyama, mu mizhi ya mu Yuda ne mu mikwakwa ya mu Yelusalema yo baonauna ne kushalatu mwabula bantu nangwa banyama, mukomvwanyika jibiji 11 kyungwe kya lusekelo ne kusangalala,+ jiwi ja musongwa ne musongoshi ne jiwi ja boba bakambanga’mba: “Musanchilai Yehoba wa mabumba, mambo Yehoba wawama;+ butemwe bwanji bubula kwaluka bo bwa myaka ne myaka!”’+

      “Yehoba waamba’mba, ‘Bakaleta milambo ya kusanta mu nzubo ya Yehoba,+ mambo nkabwezha bantu ba mu kyalo bo batwala mu buzha byonkatu byo naubile kala.’”