6 “Ino yo mikambizho, malamuna ne mizhilo Yehoba Lesa wenu yo ampa amba nemufunjishe, kuba’mba mukeilamenga byo mukabukila mu kyalo kyo mukatambula, 2 pa kuba’mba mukamwakamwenga Yehoba Lesa wenu ne kulama malamuna anji ne mikambizho yo mbena kwimukambizha anweba, baana benu ne bankana benu+ moba onse a bumi bwenu, kuba’mba mukekale moba avula.+

22 Mwajinga mu ñondo* wa butanu na buna, mfumu mo aikele mu nzubo mo aikalanga kimye kya mashika saka ota mujilo pa mbabula. 23 Yehuda inge wapwisha kutanga bipungu bisatu nangwa bina, mfumu wachibilengako lolo lubaji na mupenyi wa munembeshi ne kwikitaya mu mujilo wajinga pa mbabula, kufikatu ne byo asokele muvungilo yense pa mbabula. 24 Kabiji mfumu nangwa bakalume banji bonse byo baumvwine bino byambo byonse, kechi baumvwine moyo nangwa kutabaula bivwalo byabo ne.