15 Kabiji Yehoba Lesa wa bashakulu babo watwajijile na kwibajimuna kupichila mu baluwe banji, wibajimwinengako javula, mambo wibobijile lusa bantu banji ne mpunzha yanji ya kwikalamo. 16 Bino baendelekelenga baluwe ba Lesa wa kine,+ ne kulengulula byambo byanji+ ne kuseka bangauzhi banji,+ posotu ne bukaji bwa Yehoba byo bwaishile pa bantu banji,+ kufikatu ne byo kwabujile wa kwibabuka.

3 “Kufuma mu mwaka wa bu 13 wa bukalama bwa kwa Yosiya+ mwana wa kwa Amonyi, mfumu wa bena Yuda kufika ne lelo jino, ino myaka yonse 23, Yehoba wambuujilenga byambo byanji, ne amiwa kimye kyonse* nemubuujilengabyo, pano bino, anweba mwakainenga kwibyumvwa.+ 4 Kabiji kimye kyonse Yehoba wimutumijilenga* bakalume banji bonse bangauzhi, nangwa byonkabyo, anweba kechi mwakebelenga kuteleka nangwa kumvwa ne.+