27 Kabiji byo ashikwile katomeno, walombele ne kwibapa ne kwamba’mba: “Tomaimo anweba bonse,+ 28 mambo kano kabena kwimenako ‘mashi ami+ a lulayañano,’+ akechikila bavula+ kuba’mba mambo abo akalekelwe.+

20 Byo bajiile kijiilo kya mabanga, washikwile katomeno ne kwamba’mba: “Kano katomeno kabena kwimenako lulayañano lupya+ kupichila mu mashi ami+ akemwichikila anweba.+

25 Kabiji byo apwishishe kuja kijiilo kya mabanga, waubile kintutu kimo ku katomeno+ ne kwamba’mba: “Kano katomeno kabena kwimenako lulayañano lupya+ lwaikajikwa na mashi ami.+ Saka muba kino mu kumvuluka, kimye kyo mubena kwikatoma.”+

8 Mambo aye wibataana bantu na mambo, byo aamba’mba: “‘Umvwai! Moba abena kwiya,’ byo byaamba Yehoba,* ‘o nkalayañana lulayañano lupya na ba mu nzubo ya Isalela ne ba mu nzubo ya kwa Yuda. 9 Kechi lukekala nobe lulayañano lo nalayañene na bashakulu babo juba jo nebakwachile pa kuboko ne kwibafumya mu kyalo kya Ijipita ne,+ mambo bakankelwe kwikala ba kishinka ku lulayañano lwami, onkao mambo, nalekele kwibata muchima,’ byo byaamba Yehoba.”*

10 “‘Luno lo lulayañano lo nkalayañana na ba mu nzubo ya Isalela aa moba byo akapwa,’ byo byaamba Yehoba.* ‘Nkabika mizhilo mu milanguluko yabo ne kwiinemba mu michima yabo.+ Kabiji nkekala Lesa wabo, ne abo bakekala bantu bami.+

11 “‘Muntu kechi ukafunjishapo ngikazhi mukwabo nangwa mulongo wanji amba, “Yukai Yehoba!”* ne. Mambo bonse bakangyuka kufumatu ku mwanyike kufika ne ku mukulumpe. 12 Mambo nkebobila lusa pa mambo a byubilo byabo byabula koloka, kabiji mambo abo kechi nkeavulukapo jibiji ne.’”+