10 Yehoba waamba’mba, “Obewa Yakoba kalume wami, kange uchine ne,

Ne obewa Isalela kange ukakilwe ne.+

Mambo amiwa nkakupulusha kufuma kwalepa

Ne ba mu kisemi kyobe nkebafumya mu kyalo mo bebatwajile buzha.+

Yakoba ukabwela ne kwikala mu mutende saka akasuluka,

Kafwako nangwa umo ukebalengesha moyo ne.”+

14 Nkabwezha bantu bami bena Isalela baji mu buzha,+

Kabiji bakashimukulula mizhi yaonaikile ne kwikalamo;+

Bakabyala miñanzañanza ne kutoma binyu byayo,+

Kabiji bakajima majimi a bipangwa ne kuja bipangwa byao.’+

20 Pa kyokya kimye nkemubwezha,

Pa kimye kyo nkemukonkanya pamo.

Mambo nkemulengela kutumbalala* ne kutotwa+ mukachi ka mitundu yonse ya bantu ya pano pa ntanda,

Kimye kyo nkabwezha bantu benu baji mu buzha,” byo byaamba Yehoba.+