-
Isaya 11:11, 12Baibolo wa Binembelo bya Ntanda Ipya
-
-
11 Pa joja juba, Yehoba ukatanyika kuboko kwanji ja bubiji kuba’mba abwezhe bantu banji bashajilepo kufuma mu Asilya,+ Ijipita,+ Patalosa,+ Kushi,+ Elama,+ Shinala,* Hamata ne pa makuji a pa kalunga ka mema.+ 12 Ukemika kayukilo* ka mu bisaka bya bantu ne kupwizha pamo bena Isalela bapalañenejilemo,+ kabiji ukakonkanya pamo bena Yuda bapalañenejilemo kwibafumya mu makonka ana a ntanda.+
-
-
Yelemiya 30:10, 11Baibolo wa Binembelo bya Ntanda Ipya
-
-
10 Yehoba waamba’mba, “Obewa Yakoba kalume wami, kange uchine ne,
Ne obewa Isalela kange ukakilwe ne.+
Mambo amiwa nkakupulusha kufuma kwalepa
Ne ba mu kisemi kyobe nkebafumya mu kyalo mo bebatwajile buzha.+
Yakoba ukabwela ne kwikala mu mutende saka akasuluka,
Kafwako nangwa umo ukebalengesha moyo ne.”+
11 Yehoba waamba’mba, “Mambo amiwa nji ne obewa, kabiji nkakupulusha,
-
-
Ezikyo 34:13, 14Baibolo wa Binembelo bya Ntanda Ipya
-
-
13 Nkeifumya mu mitundu ya bantu ne kwiikonkanya pamo kufuma mu byalo ne kwiileta mu kyalo kyayo, kabiji nkeijiishisha pa mitumba ya Isalela,+ ku mikola ne mu mapunzha monse mwikala bantu. 14 Nkeijiishisha konka kuji nsono ya munyemvu kabiji ikajiilanga pa mitumba yalepa ya bena Isalela.+ Ikalaalanga ku mpunzha konka kuji nsono yawama+ kabiji ikajanga munyemvu uji pa mitumba ya Isalela.”
-
-
Amosi 9:14, 15Baibolo wa Binembelo bya Ntanda Ipya
-
-
14 Nkabwezha bantu bami bena Isalela baji mu buzha,+
Kabiji bakashimukulula mizhi yaonaikile ne kwikalamo;+
Bakabyala miñanzañanza ne kutoma binyu byayo,+
Kabiji bakajima majimi a bipangwa ne kuja bipangwa byao.’+
15 ‘Nkebajimba mu kyalo kyabo,
Kabiji kechi bakebatupulamo jibiji
Mu kyalo kyabo kyo nebapa ne,’+ byo byaamba Yehoba Lesa wenu.”
-