38 Mukavila monka mu bisaka bya bantu mo mukapalañena+ kabiji kyalo kya balwanyi benu kikemuvizha. 39 Aba bakashalapo mwi anweba bakabolela mu byalo bya balwanyi benu+ na mambo a bubi bwenu. Kine bakabola na mambo a bubi bwa bashabo.+

7 nkebafumyamo bena Isalela mu kyalo kyo nebapa,+ ne nzubo yo nazhijikila jizhina jami nkeikana,+ kabiji bena Isalela bakebasekanga* ne kwibendeleka ku bantu bonse.+ 8 Kabiji ino nzubo ikekalatu ke milumba ya bikulukulu.+ Yense ukapitanga ukakumyanga ne kwita mulozhi ne kwamba’mba, ‘Mambo ka Yehoba o aubijile bibye kino kyalo ne ino nzubo?’+ 9 Kepo bakamba’mba, ‘Mambo bamushile Yehoba Lesa wabo, yenka wafumishe bashakulu babo mu kyalo kya Ijipita, kabiji bekebejile balesa bangi ne kwibafukamina ne kwibengijila. O ene mambo Yehoba o aletejile bino bya malwa byonse pe abo.’”+

9 Nkebalula kwikala kintu kikalengela bufumu bonse bwa pano pa ntanda+ kumvwa moyo na mambo a bya malwa byo nkebaletela. Kabiji bantu bakebambilanga mwenga, kwibamba mu bishimpi, kwibendeleka ne kwibafinga+ mu mapunzha onse mo nkebapalañenya.+