BUTALA BWA MABUKU BWA PA INTANETI

BUTALA BWA MABUKU BWA PA INTANETI

Kyamba kya Usopa

BUTALA BWA PA INTANETI

1 Samwela 15:22

Baibolo wa Binembelo bya Ntanda Ipya
- 22 Kepo Samwela aambile’mba: “Nanchi Yehoba usekela mu milambo ya kusoka ne mu bitapisho+ kukila kukookela jiwi ja Yehoba nyi? Umvwa! Kukookela kwanema kukila kitapisho,+ ne kuta muchima ku bintu kwanema kukila mafuta+ a mikooko ilume;

Byambo bya Maana 21:3

Baibolo wa Binembelo bya Ntanda Ipya
- 3 Kuba bintu byawama kabiji byaoloka
  Kutokesha bingi Yehoba ku muchima kukila kitapisho.+

Isaya 1:11

Baibolo wa Binembelo bya Ntanda Ipya
- 11 Yehoba waamba’mba, “Nanchi ñanyi kintu kyo nkamwenamo mu bitapisho byenu byavula?+
  
  Mwampelenga milambo yenu ya kusoka yavula ya mikooko,+ ne mafuta a banyama banuna,+
  Kabiji kechi nsekela mu mashi+ a baana ba bañombe,+ baana ba mikooko ne bambuzhi ne.+

Mika 6:6-8

Baibolo wa Binembelo bya Ntanda Ipya
- 6 Ñanyi kintu kyo nkeya nakyo kwi Yehoba?
  
  Ñanyi kintu kyo nkafukama nakyo kwi Lesa uji mwiulu?
  
  Nanchi nkeye kwi aye na milambo yonse ya kusoka,
  Na baana ba bañombe ba mwaka umo nyi?+
  
  7 Nanchi mikooko biumbi ikatokesha Yehoba ku muchima,
  Nangwa tukola twa manyi biumbi jikumi nyi?+
  
  Nanchi mpane mwanami wa mulume mubeji na mambo a mizhilulwila yami,
  Ko kuba’mba kipangwa kya mubiji wami pa bubi bwami nyi?*+
  
  8 Obewa muntu, wakubuula kintu kyawama.
  
  Kabiji ñanyi kintu Yehoba kyo abena kukeba’mba ube?
  
  Kanatu kuba byaoloka,*+ kwikala wa kishinka,*+
  Ne kwenda na Lesa wobe saka wipelula!+

Mateo 9:13

Baibolo wa Binembelo bya Ntanda Ipya
- 13 Yainga mukafunde kino mo kyatala: ‘Amiwa nkeba lusa, kechi kitapisho ne.’+ Naishile na kwita bandengamambo kechi bantu baoloka ne.”

Mateo 12:7

Baibolo wa Binembelo bya Ntanda Ipya
- 7 Bino umvwe mwaumvwine mwatala kino amba, ‘Amiwa nkeba lusa+ kechi kitapisho ne,’+ inge kechi mwazhachisha babula mambo ne.