BUTALA BWA MABUKU BWA PA INTANETI

BUTALA BWA MABUKU BWA PA INTANETI

Kyamba kya Usopa

BUTALA BWA PA INTANETI

Salamo 22:27

Baibolo wa Binembelo bya Ntanda Ipya
- 27 Bonse bekala kwapela ntanda bakavuluka ne kubwela kwi Yehoba.
  
  Ne mikoka ya bisaka bya bantu ikemufukamina.+

Isaya 2:2, 3

Baibolo wa Binembelo bya Ntanda Ipya
- 2 Mu moba a ku mpelo,*
  Mutumba paji nzubo ya Yehoba
  Bakamwikazha peulu kukila mitumba ikwabo,+
  Kabiji bakamusuntula kukila tutumbatumba,
  Ne bantu ba mu bisaka byonse bakeya konka.+
  
  3 Mitundu ya bantu yavula ikayako ne kwamba’mba:
  
  “Twayai ku mutumba wa Yehoba,
  Ku nzubo ya Lesa wa Yakoba.+
  
  Aye uketufunjisha mashinda anji,
  Kabiji tukendanga mu mashinda anji.”+
  
  Mambo mizhilo* ikafuma mu Ziona,
  Ne byambo bya Yehoba bikafuma mu Yelusalema.+

Isaya 11:10

Baibolo wa Binembelo bya Ntanda Ipya
- 10 Pa joja juba, muzhazhi wa kwa Yese+ ukemana nobe kayukilo* ka mitundu ya bantu.+
  
  Ba mu bisaka bya bantu bakeya kwi aye na kukeba maana,+
  Kabiji mpunzha yanji yo akekalamo ikekala ya lukumo.

Isaya 55:5

Baibolo wa Binembelo bya Ntanda Ipya
- 5 Umvwa! Obewa uketa bisaka bya bantu byo wabula kuyuka,
  Ne bisaka bya bantu byabula kukuyuka bikeya kwi obewa
  Na mambo a Yehoba Lesa wobe,+ Wazhila wa Isalela,
  Mambo aye ukakutumbijika.+

Isaya 60:3

Baibolo wa Binembelo bya Ntanda Ipya
- 3 Bisaka bya bantu bikeya ku kyeya kyobe+
  Ne bamfumu+ bakeya ku kusama kwa lukumo lobe.*+

Hoseya 1:10

Baibolo wa Binembelo bya Ntanda Ipya
- 10 “Kabiji bantu* ba mu Isalela bakavula bingi nobe busenga bwa ku kalunga ka mema bo bakonsha kubula kupima nangwa kubala.+ Kabiji ku mpunzha ko bebambijile’mba, ‘Anweba kechi mwi bantu bami ne,’+ bakebambila’mba, ‘Baana ba Lesa mumi.’+

Mika 4:2

Baibolo wa Binembelo bya Ntanda Ipya
- 2 Kabiji bisaka bya bantu byavula bikayako ne kwamba’mba:
  
  “Twayai ku mutumba wa Yehoba
  Ku nzubo ya Lesa wa Yakoba.+
  
  Aye uketufunjisha mashinda anji,
  Kabiji tukendanga mu mashinda anji.”
  
  Mambo mizhilo* ikafuma mu Ziona,
  Ne byambo bya Yehoba bikafuma mu Yelusalema.

Hagai 2:7

Baibolo wa Binembelo bya Ntanda Ipya
- 7 Yehoba wa mabumba waamba’mba, “‘Kabiji nkasunkenya bisaka byonse bya bantu, ne bya buneme* bya mu bisaka byonse bya bantu bikeya;+ kabiji nkayuzha ino nzubo na lukumo.’+