4 Kisemi kibi kabiji kya bankende* kikebatu kumona kiyukilo, bino kafwako kiyukilo kyo bakekimwesha ne,+ kana kyonka kya kwa Yona.”+ Byo apwishishe kwamba wayile ne kwibasha.

29 Mabumba byo akonkenenga, wibambijile’mba: “Kino kisemi ke kisemi kyatama; kikeba kiyukilo, bino kafwako kiyukilo kya kwikimwesha ne, poso kiyukilo kya kwa Yona.+ 30 Byonkatu Yona+ byo aikele kiyukilo ku bena Ninevwa, ne Mwana muntu naye byo byo akekala ku kino kisemi. 31 Mfumu wa mukazhi wa ku kabeta ka ku bulenge+ ukasangulwa pamo na bantu ba mu kino kisemi mu juba ja kije kabiji ukamwesha’mba bano bantu bazhatwa, mambo aye wafumine kwapela ntanda kwiya na kumvwa maana a kwa Solomone. Bino muntu wakila Solomone uji ponka pano.+ 32 Bena Ninevwa bakasangulwa mu kimye kya kije pamo na kino kisemi kabiji bakamwesha’mba kyazhatwa, mambo abo balapijile byo ebasapwijile Yona.+ Bino muntu wakila Yona uji ponka pano.