33 Kabiji baishile mu Kapenama. Byo ajinga mu nzubo, wibepwizhe’mba: “Nanchi ñanyi kintu kyo mubepachikengapo mu jishinda?”+ 34 Abo bazhindaminetu nzoo, mambo mu jishinda bepachikilenga pa wafwainwa kwikala mukulumpe wabo. 35 Byo aikele panshi, waichile batumwa Jikumi na Babiji ne kwibabuula’mba: “Umvwe muntu ukeba kwikala mutanshi, wafwainwa kwikala wapelako pa bonse ne kwikala wa kwingijila bakwabo.”+ 36 Kabiji waichile mwana mucheche, ne kumwimika mukachi kabo, kabiji byo amubukachile, wibambijile’mba: 37 “Yense utambwila mwana mucheche+ mu jizhina jami, untambwila ne amiwa; kabiji yense untambwila kechi utambwilatu amiwa ne, bino ne yewa wantumine.”+

46 Kepo batendekele kwipachika pa wajinga mukulumpe mwi abo.+ 47 Yesu byo ayukile byajinga mu michima yabo, waichile mwana mucheche ne kumwimika ko ajinga, 48 ne kwibambila’mba: “Yense utambwila uno mwana mucheche mu jizhina jami, untambwila ne amiwa; kabiji yense untambwila amiwa utambwila ne yewa wantumine.+ Mambo yense wipelula mwine mwi anweba ye mukulumpe.”+

24 Nangwa byonkabyo, pabuukile mapata akatampe pakachi kabo pa mambo a wajinga mukulumpe pe abo.+