24 “Onkao mambo, yense umvwa bino byambo byami ne kwibilama, ukekala nobe muntu wa maana washimikile nzubo yanji pa jibwe.+ 25 Kabiji mvula wanokele ne mikwe yapomokejile konka, ne kinkunkwila kyapupijile pa nzubo, bino kechi yapumukile ne, mambo wiishimikile pa jibwe. 26 Pakuba yense umvwa bino byambo byami ne kubula kwibilama, ukekala nobe muntu wabula maana washimikile nzubo yanji pa busenga.+ 27 Kabiji mvula wanokele ne mikwe yapomokejile konka, ne kinkunkwila kyapupijile pa nzubo+ kabiji yapumukile ne konaikatu yonse shata.”