55 Kabiji banabakazhi bavula baimene palepa byobya saka batala, bonka balondejilenga Yesu kufuma ku Ngalilea na kumwingijila;+ 56 pa bano pajinga Maliya Mangadala ne Maliya inanji Yakoba ne Yosesa ne inabo baana ba kwa Zebede.+

40 Kwajinga ne banabakazhi baimene palepa byobya saka batala, pa bano pajinga Maliya Mangadala ne Maliya inanji Yakoba wa Mucheche ne Yosesa, ne Salome,+ 41 bonka bamulondelanga na kumwingijila+ byo ajinga mu Ngalilea, ne banabakazhi bakwabo bavula bo aishile nabo ku Yelusalema.

2 pamo na banabakazhi bamo bo bapangilemo mipashi yatama ne bo abukile bikola: Maliya watelwanga’mba Mangadala yenka ye bapangilemo bandemona batanu na babiji; 3 Yoana+ muka Chusa, kalama wa nzubo ya kwa Heloda; Susana; ne banabakazhi bakwabo bavula, bebakwashishenga na kwibapa bintu byabo.+