32 Kino kyo Kinembelo kyo atangilenga kya kuba’mba: “Bamutwajile na kumwipaya nobe mukooko, kabiji byonka bizhindama mwana mukooko mu kyenyi kya umutenda boya, ne aye kechi waambilepo kyambo nangwa kimo ne.+

35 Filipa watatwile kwamba, kabiji kutatwila pa kino kinembelo, wamusapwijile mambo awama aamba pe Yesu.

18 Mambo mwayuka’mba kechi bemukasulwile*+ ku bwikalo bwenu buncha bo mwatambwile ku bashakulu* benu na bintu bibola, na siliva nangwa na ngolode ne. 19 Bino bemukasulwile na mashi anema+ aji nobe mashi a mukooko wabula bulema ne biko,+ ko kuba’mba a Kilishitu.+

6 Kabiji namwene mukachi* ka jitanda ne mukachi ka bilengwa byumi bina ne mukachi ka bakulumpe+ saka mwaimana mwana mukooko+ wamwekelenga nobe bamwipaya,+ wajinga na nsengo itanu na ibiji ne meso atanu na abiji, kabiji ano meso emenako mipashi itanu na ibiji ya Lesa+ yo batuma pano pa ntanda ponse.