59 Bañanga bakatampe ne kije kyonse kya Saniedilini bakebelenga byambo bya bubela bya kushiina Yesu pa kuba’mba bamwipaye.+ 60 Bino bakankelwe, nangwa kya kuba baletele bakamonyi ba bubela bavula.+ Kabiji kwaishile babiji 61 ne kwamba’mba: “Uno muntu waambile’mba, ‘Amiwa nakonsha kukundula nzubo ya Lesa ne kwiishimika mu moba asatu.’”+

39 Kabiji bantu bapichilenga bamwambijilenga mwenga+ saka benauna mitwe yabo+ 40 ne kwamba’mba: “Obewa waambanga’mba, wakonsha kukundula nzubo ya Lesa ne kwiishimika mu moba asatu,+ ipulushe obe mwine! Umvwe wi mwana Lesa, fuma popo pa kichi* kya lumanamo!”+

57 Kabiji bamo baimenenga ne kumubepela’mba: 58 “Twamumvwine saka amba’mba, ‘Amiwa nkakundula ino nzubo ya Lesa yo bashimikile na maboko, ne mu moba asatu nkashimika ikwabo ya kubula kushimika na maboko.’”+