2 Abalahama waambijile kalume wanji wajinga mukulumpe mu nzubo yanji walamanga bintu byanji byonse amba:+ “Biika kuboko kobe munshi ya jimbwata jami, 3 kabiji nsakukuchipisha kwi Yehoba, Lesa wa mwiulu ne ntanda, amba kechi ukakebele mwanami mukazhi kufuma mu baana ba bakazhi bena Kenana bo naikala nabo ne.+

3 Kechi mukasongozhanyenga nabo ne. Baana benu ba bakazhi kange mukebasongweshe ku baana babo ba balume ne, kabiji baana benu ba balume kange bakasongolenga baana babo ba bakazhi ne.+ 4 Mambo bakongola baana benu kufuma kwi Lesa ne kuya na kwingijila balesa bangi;+ kabiji Yehoba ukemuzhingijila ne kwimuvizha bukiji.+

25 Onkao mambo, nebanenene ne kwibafinga ne kupumapo banabalume+ bamo ne kwibayokola nsuki ne kwibachipisha mu jizhina ja Lesa namba: “Kechi mwafwainwa kusongwesha baana benu ba bakazhi ku baana babo ba balume ne, kabiji kechi mwafwainwa kukebela baana benu ba balume banabakazhi mu baana babo ba bakazhi nangwa anwe bene ne.+ 26 Nanchi bano kechi bo balengejile Solomone Mfumu wa Isalela kulenga mambo nenyi? Mu bisaka bya bantu byavula kechi mwajinga mfumu wajinga nobe aye ne;+ kabiji bamutemenwe kwi Lesa wanji,+ kya kuba Lesa wamutongwele kwikala mfumu wa bena Isalela bonse. Bino banabakazhi ba mu byalo bingi bamulengejile kulenga mambo.+

14 Kechi mwikase* kikonkoji kimo na babula kwitabila ne.+ Nanchi bololoke ne bubi byendela pamo nyi?+ Nangwa kyeya ne mfishi byumvwañana nyi?+