11 Balongo bami, mbena kukeba muyuke’mba mambo awama o nemusapwila, kechi afumine ku bantu ne;+ 12 mambo kechi neatambwile ku bantu ne, kabiji kechi beamfunjishe ne, bino Yesu Kilishitu ye wansolwejileo.

2 Nayile na mambo a lumwekesho, kabiji nebabuujile mambo awama o mbena kusapwila mu bisaka bya bantu. Bino kechi nebabuujile pa mvula bantu, pa bantu batumbalala ne, kuchina’mba mwingilo ye naingijilenga nangwa ye naingila wakekala watutu.