9 Kange musende mali a ngolode nangwa a siliva nangwa a mukuba mu bikwama byenu ne,+ 10 nangwa kusenda fukuta wa kajo nangwa bivwalo bibiji* nangwa makwabilo nangwa kamama ne,+ mambo yense wa mwingilo bamupa kajo.+

7 Onkao mambo, mukekale mu yonkayo nzubo,+ na kuja ne kutoma bintu byo bakanengezha,+ mambo wa mwingilo wafwainwa mfweto yanji.+ Kabiji kange mukobengatu lelo muji mu iye nzubo kesha mu ikwabo ne.

27 Ibyo, batemenwe bingi kuba kino kabiji kine bajinga na nkongole kwi abo; mambo umvwe bazhijikwa bapapo ba mu bisaka bya bantu bintu bifuma kwi Lesa, ko kuba’mba ba mu bisaka bya bantu nabo bafwainwa kukwasha bazhijikwa na bintu bya ku mubiji.+

11 Umvwe twabyala mwi anweba bintu byafuma kwi Lesa, nanchi kyo kintu kyanema umvwe twanowa mwi anweba bintu bya kwikwashishamo nyi?+

14 Byonkabyo, Nkambo wakambizhe’mba aba basapwila mambo awama bajiilenga monka mu mambo awama.+