6 Balongo bami, umvwe muntu kaye mu jishinda jingi kwa kubula aye mwine kuyuka, anweba mwakoma ku mupashi mwafwainwa kumwalulula muntu wa byonka bino na muchima wakooka.+ Bino saka mujimuka+ kuchina’mba ne anweba mwakesekwa.+

4 Onkao mambo, amiwa kaili+ mwi Nkambo, nemusashijila namba mwendenga monka mwayila lwito+ lo mwaichilwe, 2 na kwipelula konse,+ kukooka muchima, ne na butekanye,+ saka mwitekenya anwe bene na bene mu butemwe,+

11 Nangwa byonkabyo, obewa muntu wa Lesa, uchine bino bintu. Bino saka ulondalonda bololoke, munema wa kunemeka Lesa, lwitabilo, butemwe, kuchinchika ne kukooka muchima.+

24 Mambo kalume wa Nkambo kechi wafwainwa kutoboka ne, kana kwikala wa lusa* ku bonse,+ wayuka kufunjisha ne kwikanya umvwe bamulenga mambo,+ 25 saka afunjisha na kukooka muchima aba balengulula.+ Apo kampe Lesa ukebalengela kulapila* kuba’mba bayukishe bulongo bukine,+

15 Bino saka muzhijika Kilishitu aye Nkambo mu michima yenu, ne kwinengezhezha jimo kimye kyonse mwa kwibakumbwila bonse bemwipuzha pa mambo a luketekelo lo muji nalo, bino saka muba kino na kukooka muchima+ ne na mushingi mukatampe.+