2 Pakuba ku mpelo ya ano moba waamba kwi atweba kupichila mu Mwananji,+ ye atongola kwikala nswanyi wa bintu byonse,+ kabiji mwi aye mo mo alengejile bwikalo* bwa bintu byonse.+

2 Mambo umvwe byambo byaambiwe kupichila mwi bamalaika+ byajinga bya kine, ne bantu ba mizhilulwila ne babula kukookela bebakambwile monka mwayila bunchibamambo bwaoloka,+ 3 pano tukapuluka byepi lukabisho umvwe twalengulula byambo byaamba pa kyauba Lesa kuba’mba etupulushe?+ Mambo Nkambo ye wajinga mutanshi kwibyamba+ kabiji bebishimwine kwi atweba ku boba bamumvwine, 4 kabiji Lesa naye washimwine na bimwesho ne na bya kukumya* ne na mingilo ya bulume+ ne kupana bya bupe bya mupashi wazhila monka mwayila kyaswa muchima wanji.+