23 Kepo apitañenenga monse mu Ngalilea+ na kufunjisha mu mashinagoga abo,+ saka asapwila mambo awama a Bufumu ne kubuka misango yonse ya bikola ne ya bulema mu bantu.+
7 Byo besambilepo* kyabaya, Petelo waimene ne kwamba’mba: “Anweba bakwetu, balongo, mwayukishatu bulongo kuba’mba mu oa moba, Lesa wantongwele mwi anweba kuba’mba bantu ba mu bisaka bya bantu bomvwe mambo awama ne kwitabila.+
23 inge mwatwajijila kwikala na lwitabilo+ saka mwaikajikwa pa kitendekesho+ ne kukosa,+ ne kubula kuleka kuketekela mambo awama o mwaumvwine kabiji asapwijilwe ku bilengwa byonse biji pano panshi.+ Amiwa Paulo naikajile ke wa mwingilo wa ano mambo awama.+