Byambo bya Maana
2 Lama mikambizho yami pa kuba’mba wikale na bumi;+
Ulame byo nkufunjisha* nobe kantu ka pa jiso jobe.
3 Wibikashile ku minwe yobe;
Wibinembe pa muchima wobe.+
4 Ambila maana amba, “Yobe nyenga yami,”
Ne maana a kukwatakanya bintu wiambile’mba, “mulongo wami,”
6 Byo najinga ku kipenze kya nzubo yami,
Natajilenga panshi mu kipenze kiji na meso meso,
7 Kabiji byo natajilenga bantu babula kuyuka bintu,
8 Wapichilenga mu mukwakwa wajinga kwipi na mansanga kwaikelanga uno mwanamukazhi,
Kabiji wayilenga mu jishinda jatajile ku nzubo ya mwanamukazhi
9 Mabanga mu kimye kya muntuwa muntuwa,+
Byo payilenga na kufiita.
10 Kepo namwene mwanamukazhi wayile na kumutundaila,
Wavwajile nobe* pite,+ kabiji wajinga na muchima wa bujimbijimbi.
11 Wajinga walokota kabiji wabula bumvu.+
Kabiji kechi waikalanga* pa nzubo ne.
12 Waubangatu kakimye kakimye walupukila pangye, kabiji wikalakotu pacheche kaye ku mapunzha kwatanwanga bantu bavula,
Wapitañananga mu mansanga onse.+
13 Wamukwachile ne kumufyompa;
Na mambo a kubula bumvu wamwambijile’mba:
14 “Naji kutapisha bitapisho bya mutende.+
Lelo naji kufikizha byo nachipile.
15 O ene mambo o naishila na kukutundaila,
Nakukukebanga, kabiji nakutaana!
16 Naanshika kala bisapi byawama pa mwanya wami,
Bisapi bya linenyi bya musombelo wawama bya ku Ijipita.+
17 Pa mwanya wami, nasansapo kala mola, manyi a maalo ne kinamonyi.+
18 Twaya, twisangajike na butemwe kufikatu ne lukelo;
Twaya twiyowe butemwe,
19 Mambo bamwatawami bafwapo pa nzubo;
Baaya kwalepa bingi.
20 Basendele ne kikwama kya mali,
Kabiji bakabwelatu pa kutentama ñondo.”
21 Wamujimbaikile na byambo byavula bya kumwitabisha.+
Kabiji wamongwele na byambo byanji bya mulambisha.
22 Ponkapotu uno nsongwalume wamulondejile nobe ñombe ye babena kutwala na kwipaya,
Nobe muntu wakosama ye babena kutwezha mu bikulu,*+
23 Posotu ne muketo byo asabile jichima janji;
Byonkatu kañonyi byo kaya lubilo mu kakose, ne aye kechi wayukile’mba kikamwipayisha ne.+
24 Pano, baana bami, ntelekai;
Teshai muchima ku byo mbena kwamba.
25 Kange muswishe michima yenu iye mu mashinda anji ne.
27 Nzubo yanji itwala ku Kilende;*
Iya ku bibamba bya mukachi bya lufu.