Yoba
37 “Na mambo a kino muchima wami ubena kulukuta
Kabiji ubena kubamba bingi.
2 Telekeshai ku kutatauka kwa jiwi janji
Ne ku kululuma kufuma mu kanwa kanji.
3 Wikutuma monse munshi ya jiulu
Kabiji utuma kubesha+ kwa mvula konse kwapela ntanda.
4 Apa bino, palondela kutatauka;
Ululuma na jiwi janji ja lukumo,+
Kabiji kechi ukanya kululuma umvwe jiwi janji jaumvwanyika ne.
5 Lesa ululuma na jiwi+ janji mu jishinda ja kukumya;
Uba bintu bikatampe byo twakonsha kubula kuyuka.+
6 Wambila mabebe amba, ‘Nokelai pa ntanda,’+
Ne mvula mukatampe amba, ‘Noka na bulume.’+
8 Banyama ba mungye batwela mu mayengo abo
Ne kwikala mu mimbwa yabo.
11 Aye ulengela makumbi kunema na mema;
Ukumbanya kubesha+ kwanji kwa mvula mu makumbi;
12 Azhokolokela konka ko eatuma;
Oba kintu kyonse kyo eakambizha+ kuba pano pa ntanda pekala bantu.*
13 Ulengela bino bintu kumweka, na mambo a kukeba kuleta lukabisho,*+ nangwa na mambo a ntanda,
Nangwa na mambo a kumwesha butemwe bubula kwaluka.+
15 Nanchi mwayuka Lesa byo atangijila* makumbi
Ne byo alengela kubesha kwa mvula kumweka mu jikumbi janji nyi?
16 Nanchi mwayuka makumbi byo enda nyi?+
Ino yo mingilo ya kukumya ya yewa walumbuluka mu kuyuka bintu byonse.+
17 Mambo ka bivwalo byenu o bitwila kyuya
Kimye ntanda kyo izhindamatu na mambo a mwela ufuma ku kabeta ka ku bulenge?+
19 Tubuulai byo tusakumubuula;
Kechi twakonsha kumukumbula ne, mambo tuji mu mfishi.
20 Nanchi pajipo bafwainwa kumubuula’mba mbena kukeba kwamba nyi?
Nangwa abya kujipo muntu waamba bintu bya kuba’mba tumubuule nyi?+
21 Kechi bakonsha ne kumona kyeya* ne,
Nangwa kya kuba mwiulu mwakenguluka,
Kanatu mwela wapitamo ne kusalañanya makumbi.
22 Ku kabeta ka ku buyeke kufuma lukumo lubekauka nobe ngolode;
Buneme bwa Lesa+ bulenga bingi moyo.
23 Kechi twakonsha kumuyukisha bulongo aye wa Bulume Bonse ne;+
Aye uji na bulume bukatampe,+
Kabiji kechi utwala mungi bunchibamambo bwanji bwaoloka+ ne bololoke bwanji ne.+
24 Onkao mambo, bantu bafwainwa kumwakamwa.+
Mambo aye kechi ubila bibusa bantu bemona’mba baji na maana* ne.”+