Masalamo
Lulombelo lwa kwa Davida.
2 Zhikijilai bumi* bwami, mambo ne wa kishinka.+
Pulushai kalume wenu wimuketekela,
Mambo yenu Lesa wami.+
5 Mambo anweba Yehoba mwawama+ kabiji mwaswila jimo kulekela mambo;+
Mumwesha butemwe bubula kwaluka bwavula ku boba beta pe anweba.+
6 Anweba Yehoba, telekai ku lulombelo lwami;
Ne kuta muchima ku misashijilo yami ya kukeba bukwasho.+
8 Anweba Yehoba, kafwako balesa baesakana ne anweba ne,+
Kafwako mingilo yaesakana na mingilo yenu ne.+
9 Bisaka byonse bya bantu byo mwalengele
Bikeya ne kwimufukamina anweba Yehoba,+
Kabiji bikatumbijika jizhina jenu.+
11 Anweba Yehoba, mfunjishai jishinda jenu.+
Nkendanga mu bukine bwenu.+
Nkwashai ngikale na muchima* umo kuba’mba ngakamwenga jizhina jenu.+
12 Nemutota na muchima wami yense anweba Yehoba Lesa wami,+
Kabiji nkatumbijikanga jizhina jenu myaka ne myaka,
13 Mambo butemwe bwenu bubula kwaluka bo mwammwesha bwabaya,
15 Bino anweba Yehoba, mwi Lesa wa lusa kabiji wa kifyele,*
Ubanda kuzhingila kabiji wavula butemwe bubula kwaluka ne bukishinka.*+
16 Alulukilai kwi amiwa ne kungubila lusa.+
Mupai bulume bwenu kalume wenu,+
Ne kupulusha mwana wa muzha wenu wa mukazhi.
17 Mmweshai kiyukilo* kya buwame bwenu,
Pa kuba’mba aba banshikwa bekimone ne kumvwa bumvu.
Mambo anweba Yehoba yenu munkwasha ne kuntekenesha.