Masalamo
Kwi ntangi wa pa Nehilota.* Lwimbo wa kwa Davida.
5 Anweba Yehoba, telekai ku byambo byami;+
Umvwai kubinza kwami.
2 Teshaiko muchima ku kujila kwami kwa kukeba bukwasho,
Anweba Mfumu wami kabiji Lesa wami, mambo mbena kulomba kwi anweba.
3 Anweba Yehoba, mukomvwa jiwi jami lukelo;+
Lukelo nkemubuula biji ku muchima wami,+ kabiji nkatengelanga kunkumbula.
5 Kafwako muntu wilundumika wakonsha kwimana ku meso enu ne.
Yehoba washikwa bambanzhi ne bajimbijimbi.*+
7 Bino amiwa nkatwela mu nzubo yenu+ na mambo a butemwe bwenu bukatampe bubula kwaluka;+
Nkafukama saka ntala ku nzubo yenu yazhila na moyo wa kwimwakamwa.+
8 Anweba Yehoba, ntangijilai mu bololoke bwenu na mambo a balwanyi bami;
Ngwamishishai jishinda jenu.+
9 Mambo kafwako bintu byo bamba byakonsha kuketekelwa ne;
Abo balangulukatu byatama;
Mijibu yabo iji nobe kilende kya kyashi;
Bambatu byambo bya mulambisha na njimi yabo.+
10 Bino Lesa ukebazhachisha;
Bintu byo bafuukula kuba bikebalengela konaika.+
Bapangai na mambo a mizhilulwila yabo yavula,
Mambo bemusatukila.
11 Pakuba aba bonse bafyama mwi anweba, bakasekelanga;+
Bakabijikanga na lusekelo.
Mukebazhikijila,
Kabiji aba batemwa jizhina jenu bakasangalela mwi anweba.
12 Mambo anweba Yehoba mukapesha muntu yense waoloka;
Mukamubila bibusa ne kumuzhokoloka nobe jikebo jikatampe.+