Yoba
39 “Nanchi wayuka kimye kisemenamo bambuzhi ba ku mitumba nyi?+
Nanchi wakimonapo kala bansebula saka basema nyi?+
2 Nanchi wakonsha kubala bañondo bapitapo umvwe baikala na mavumo nyi?
Nanchi wayuka kimye kyo basemenamo nyi?
3 Basulubala pa kusema,
Ne bisanso byabo bipwa.
4 Baana babo bakosa kabiji bakomena mungye;
Bafuma ku bainabo kabiji kechi babwelako ne.
5 Ñanyi ulengela mbongolo wa mungye kukasuluka?+
Kabiji ñanyi ukasulula mbongolo wa mungye ku ntambo?
6 Naalula kiselebwa kwikala nzubo yanji
Ne mpunzha ya mukele kwikala mwanji mwa kwikala.
7 Wendeleka mizhi muji kiwowo;
Kechi umvwa kubijika kwa boba bafunga banyama ne.
8 Upitañana mu tutumbatumba na kukeba munyemvu,
Ne kukeba bintu byonse byatalala.
9 Nanchi mboo wakonsha kukwingijila nyi?+
Nanchi aye wakonsha kulaala mu kipaka kyobe nyi?
10 Nanchi wakonsha kukasa mboo na ntambo pa kujima mimpalala nyi?
Nangwa abya wakonsha kukulondela pa kujima* mu kimpachiko nyi?
11 Nanchi wakonsha kuketekela mu bulume bwanji
Ne kumwalula ke wa kukwingijila mwingilo wobe wakosa nyi?
12 Nanchi wakonsha kumuketekela’mba ukakuletela kajo* ko ukanowa,
Ne kwikaleta ku kipujilo kyobe nyi?
13 Byapi bya osetelechi bibakama na lusekelo,
Nanchi byapi byanji ne mayona anji, byakonsha kwesakana na bya ñendabwala nyi?+
14 Aye usha make anji panshi,
Ne kwialekela mu maloba kuba’mba atwe kyuya.
15 Aye ulubako kuba’mba bakonsha kunyantapo ne kwiasansakanya
Nangwa nyama wa mungye wakonsha kunyantapo.
16 Baana banji kechi wibalama bulongo ne, uba nobe kechi baana banji ne;+
Kabiji kechi wakamwa amba byo aingijile bikekala byatu ne.
17 Mambo Lesa kechi wamupa* maana ne
Kabiji kechi wamupapo milangwe ne.
18 Bino umvwe waimika byapi byanji ne kwibibakamisha,
Useka mbili ne wendapo.
19 Nanchi yobe upa mbili bulume nyi?+
Nanchi yobe umuvwika lunzangwe pa shingo yanji nyi?
20 Nanchi wakonsha kumulengela kubotauka nobe luzhiye nyi?
Kupumbula kwanji kulengesha bingi moyo.+
22 Aye useka moyo kabiji kechi uchina kintu nangwa kimo ne.+
Kechi waluluka na mambo a mpoko ne.
23 Fukuta wa miketo uba kyungwe pa kumukunkaula,
Jifumo ne mpula bibekauka.
25 Umvwe lusengo wavuma, wamba’mba, ‘Eyo!’
Ununkula bwema bwa nkondo saka akiji kwalepa
Kabiji umvwa kubijika kwa bakulumpe ba nzhita ne kiwowo kya nkondo.+
26 Nanchi milangwe yobe yo ilengela kabemba kutumbuka,
Ne kutanyikila byapi byako ku kabeta ka ku bulenge nyi?
27 Nanchi yobe ukambizha mpungu kwitumpa mwiulu+
Ne kulenga kinsa kyanji peulu,+
28 Kulaala pa jibwe bufuku,
Ne kwikala mwanji mwakosa mu mabwe* akatampe nyi?
30 Baana banji batoma mashi;
Kabiji konka kuji mibiji yafwa, ko ko atanwa.”+