Yelemiya
2 Yehoba wañambijile’mba: 2 “Yanga ukasapwile ku bena Yelusalema amba, ‘Yehoba waamba’mba:
“Amiwa navuluka bingi kwipana ko wipaine* kufumatu ku bwanyike bobe,+
Ne butemwe bo wamwesheshe kimye kyo bakwipangwizhe,+
Byo wandondejilenga mu kiselebwa,
Mu kyalo mo babujile kubyalamo kintu.+
3 Isalela wazhijile bingi kwi Yehoba,+ byo ajinga bipangwa byanji bya nsomo.”’
‘Muntu yense ukeba kumwipaya ukazhatwa.
Ne bya malwa bikebafikila,’ bino byo byaamba Yehoba.”+
4 Anweba ba mu kisaka kya Yakoba, umvwai byaamba Yehoba,
Ne anweba bisemi byonse bya mu kisaka kya Isalela.
5 Yehoba waamba’mba:
“Ñanyi bubi bashakulu benu bo bataaine mwi amiwa,+
Byo banshile ne kuya kwalepa,
6 Abo kechi baipwizhepo’mba, ‘Yehoba uji pi,
Yenka witufumishe mu kyalo kya Ijipita,+
Witutangijilenga mu kiselebwa,
Mu kyalo kya biselebwa+ ne bimbo,
Mu kyalo mwabula mema+ kabiji muji mfishi yafiitatu bwii,
Mu kyalo mubula kupita bantu
Kabiji mubula kwikala bantu’ ne?
7 Amiwa nemuletele mu majimi a bipangwa,
Kuba’mba muje bipangwa bijimo ne bintu bijimo byawama.+
Bino anweba byo mwaishilemo mwatamishe kyalo kyami;
Mwaalwile kya buswanyi kyami kwikala ke kintu kya bunya.+
8 Bañanga kechi bashikishepo amba, ‘Yehoba uji pi?’+ ne.
Aba bafunjishenga Mizhilo kechi bangyukile ne,
Bakafunga bansatukijile,+
Bangauzhi baawilenga mu jizhina ja Baela,+
Kabiji balondejilenga balesa bakonsha kubula kwibakwasha.
9 Yehoba waamba’mba, ‘Onkao mambo, amiwa nkalwa ne anweba,+
Kabiji nkalwa na bankana benu.’
10 ‘Pano abukilai ku mapunzha* aji ku musezho wa Kitimu+ mumone.
Tumai muluwe ku Keda+ ne kulangulukishapo bulongo;
Mumone umvwe kintu kya uno mutundu kyamwekelepo kala.
11 Nanchi kisaka kya bantu kyakishapo kala balesa bakyo ne kulondela balesa bangi nyi?
Pakuba bantu bami bapimpula lukumo lwami na bintu byatu.+
12 Yehoba waamba’mba, anweba bya mwiulu, kumyai kino kintu;
Zakamai na mambo a moyo.’
13 ‘Mambo bantu bami bauba bintu bibiji byatama:
Bansha amiwa nsulo ya mema a bumi,
Kabiji belengela* bene mishima,*+
Mishima* yalajika yakonsha kubula kulama mema.’
14 ‘Nanchi Isalela kalume nyi, inyi muzha wasemekelwa mu nzubo yami?
Pano mambo ka o bamupaina kuba’mba bamusende?
15 Baana ba mabokwe bamubulumijile;+
Babulumine na jiwi jikatampe.
Balengejile bantu ba mu kyalo kyanji kwikala na moyo.
Ne mizhi yanji beisokele kuba’mba mukabule kwikala muntu nangwa umo.
16 Bantu ba mu muzhi wa Nofu*+ ne Tapanesa+ bajijiilenga pa munchinya wa ku mutwe wobe.
17 Nanchi kechi wiletelela obe mwine bino bintu
Na mambo a kusha Yehoba Lesa wobe+
Kimye kyo akutangijilenga mu jishinda nenyi?
19 Nkambo Mfumu, Yehoba wa mabumba waamba’mba, ‘Wafwainwa kufunjila ku bubi bobe,
Ne kubula bukishinka kobe kwafwainwa kukufundako.
Yuka ne kufunda’mba kyatama bingi+ kabiji kikola bingi ku muchima
Kusha Yehoba Lesa wobe;+
Obewa kechi wangakamwa amiwa ne.
20 Mambo kufumatu ne kala kene naonawine kikonkoji kyobe+
Kabiji nachibawile mashimbi obe.
Pano bino, obewa waambile’mba: “Amiwa kechi nkemwingijilanga ne,”
Mambo pa tutumbatumba tonse twalepa ne munshi ya bichi byonse byafunkama+
Obewa walaajilenga kampaba, saka uba bulalelale.+
21 Amiwa nakujimbile nobe muñanzañanza wawama,+ wafuma ku lukunwa wawama;
Pano wamenene byepi ne kwaluka ke musele wa muñanzañanza ungi watama kwi amiwa?’+
22 Nkambo Mfumu Yehoba waamba’mba, ‘Nangwa kya kuba ukowe na nambwa* ne na mulola,
Mambo o walengele akashalatu monka aikela kwi amiwa.’+
23 Pano wakonsha kwamba byepi amba, ‘Amiwa kechi nasombela ne?
Kabiji kechi nalondela Baela ne’?
Tala jishinda jobe japita mu kimpachiko.
Languluka pa bintu byo wauba.
Obewa ujitu nobe mwana ngamela mukazhi unyema lubilo,
Unyematu kinyemenyeme mu mashinda anji.
24 Mbongolo wa mungye wapijilwa kwikala mu jisaka,
Ununkula bwema bwa kwibindula.*
Ñanyi wakonsha kumukanya kuya ko aumvwa bwema bwa kwibindula?
Aba bonse baya na kumukeba kechi kikebakatazha kumutaana ne.
Bakamutaana pa kimye kyo ebindwilapo.
25 Kange wendenga maulu panshi ne
Kabiji kange uleke pa mujibu pobe pome na kilaka ne.
Bino obewa walengulwile ne kwamba’mba, ‘Abyo byatutu!+
26 Byonkatu ngivi byo omvwa bumvu inge bamukwata,
Ne ba mu kisaka kya Isalela byo byo bebalengesha bumvu,
Abo bene, bamfumu babo ne babinemanga babo,
Bañanga babo ne bangauzhi babo.+
27 Abo bambila kichi amba, ‘Yobe shetu,’+
Ne jibwe amba, ‘Yobe inetu.’
Pakuba amiwa bamvundamina ne kufya bilungi byabo.+
Kabiji mu kimye kya bya malwa bakañambila’mba,
‘Imanai mwitupokolole!’+
28 Pano balesa bo mwilengejile baji pi?+
Bambilai beye umvwe bakonsha kwimupokolola mu kimye kya bya malwa,
Mambo anweba bena Yuda, balesa benu bavula bingi byonka byavula mizhi yenu.+
29 Yehoba waamba’mba, ‘Pano mambo ka o mubena kunkatezha?
Mambo ka anweba bonse o mwansatukila?’+
30 Naipaya baana benu pa kubula mambo.+
Mambo kechi baswile byo nebajimwineko ne;+
Mpoko yenu yaipayile bangauzhi benu,+
Nobe bokwe ubena kupitañanatu na kukeba wa kuja.
31 Anweba bisemi byonse, langulukainga pa bintu byaamba Yehoba.
Nanchi amiwa naikala nobe kiselebwa ku bena Isalela
Nangwa nobe kyalo kiji mu mfishi yafiitatu bwii nyi?
Pano mambo ka bano bantu bami o babena kwambila’mba, ‘Atweba twi baana ba bene,
Kabiji amba kechi tukeya kwi anweba jibiji ne?’+
32 Nanchi kisungu wakonsha kuvulamako bintu byanji bya kwikobaikakobaika,
Ne musongwa kuvulamako kivwalo kyanji kya buya nyi?*
Pano bino, bantu bami bamvulama pa moba avula bingi.+
33 Obewa mwanamukazhi, byo wayukapo mashinda a kukebelamo bakambwe bobe!
Wifunjisha obe mwine kuba bintu byatama.+
34 Kabiji bivwalo byobe byatapakana mashi a bantu* bayanji babula mambo,+
Nangwa kya kuba kechi nataaine mashi pa mpunzha po bebepayijile ne;
Bino namwene bivwalo byobe byonse saka byatapakana mashi abo.+
35 Pano bino, obewa waamba’mba, ‘Mambo mfwao.
Kine, aye waleka kunzhingijila.’
Pano amiwa nsakukukambula
Mambo waamba’mba, ‘Amiwa kechi nalenga mambo ne.’
36 Mambo ka o ubujila kumona’mba bintu byo uba byatama?
37 Na mambo a kino, ukaya saka wakwata maboko obe ku mutwe,+
Mambo Yehoba wakana boba bo wakinkamo manungo;
Abo kechi bakakukwasha ne.”