Byambo bya Maana
17 Kyawama kwikala na kashinkwa kacheche kauma saka paji mutende*+
Kukila kwikala mu nzubo muji kijiilo kikatampe* saka muji lutobo.+
2 Kalume wa maana ukalamanga mwana ulengesha nkambo yanji bumvu;
Ukatambulako bya buswanyi uba nobe wajinga mwananji.
3 Mpuki ya kusungulwilamo yo ya siliva ne kisha kya mujilo kyo kya ngolode,+
Pakuba Yehoba ye utalatala mu michima.+
4 Mubi uta muchima ku ñambilo yatama,
Ne muntu wa bujimbijimbi uteleka ku byambo byatama.+
5 Yense wendeleka muyanji umuba mwenga Mulenga wanji,+
Ne yense usangalala inge bya malwa byafikila mukwabo bakamukambula.+
7 Inge kya kuba ñambilo yawama kechi ikwasha muntu wakosama ne,+
Ko kuba’mba byambo bya bubela kechi bikwasha kalama* nangwa pachechetu ne!+
9 Yense ulekelako bakwabo* mambo, ukeba butemwe,+
Pakuba awa ulondalonda mambo wabanya balunda ba pa muchima.+
10 Kukajipila kufika pa muchima wa muntu ukwatakanya bintu+
Kukila kupuma muntu wakosama bipumo kitota kimo.+
11 Muntu watama ukebatu kusatuka,
Bino bakamutumina muluwe washinta amba amukambule.+
12 Kyawama kusambakana mbeyala ye basendela baana
Kukila kusambakana muntu wakosama uba bintu byatama.+
13 Inge kya kuba muntu wauba mukwabo byatama saka bamubila byawama,
Bintu byatama kechi bikapwa mu nzubo yanji ne.+
15 Yense ubingisha mubi ne uzhachisha muntu waoloka,+
—Bano bonse babiji bo ba bunya kwi Yehoba.
16 Ñanyi kintu kyawama kiji na muntu wakosama kya kumukwasha kwikala na maana
17 Mulunda wa kine umwesha butemwe kimye kyonse,+
Kabiji ye mulongo ye wakonsha kuketekela mu kimye kya bya malwa.+
18 Muntu wabula maana* wiimuna na mukwabo mu maboko ne kuswa
Kumupainako nkongole ne mukwabo saka amonako.+
19 Awa watemwa malwañano watemwa mizhilulwila.+
Yense ushinkwisha kibelo kyanji wiletela bya malwa.+
20 Awa uji na muchima wa bujimbijimbi kechi ukamona byawama ne,+
Ne yewa wamba bya bujimbijimbi ukonaika.
21 Awa wasema mwana wakosama ukekala na bulanda;
Ne shanji mwana wakosama kechi usangalala ne.+
24 Maana aji ku meso a muntu wa milangwe,
Bino meso a muntu wakosama apitamotu kufika ne kwapela ntanda.+
26 Kechi kyawama kukambula* muntu waoloka ne,
Kabiji kupuma bantu banemekwa nako kechi kwawama ne.
28 Nangwatu muntu wakosama inge wazhindama, bakamumona’mba uji na maana,
Ne yewa waikalatu nzoo, bakamumona’mba ye wa milangwe..