Masalamo
96 Mwimbilai Yehoba lwimbo mupya.+
Mwimbilai Yehoba, anweba bonse ba pano pa ntanda!+
2 Mwimbilai Yehoba; totai jizhina janji.
Sapwilainga mambo awama a lupulukilo lwanji pa juba pa juba.+
3 Ambainga pa lukumo lwanji ku bisaka bya bantu,
Ne pa mingilo yanji ya kukumya ku mitundu ya bantu bonse.+
4 Yehoba ye mukatampe kabiji ye yenka wafwainwa kutotwa.
Aye ulengesha bingi moyo kukila balesa bonse.
7 Mupai Yehoba bintu byamufwainwa, anweba mitundu ya bantu,
Mupai Yehoba bintu byamufwainwa na mambo a lukumo lwanji ne bulume bwanji.+
9 Mufukaminai* Yehoba mu bivwalo* byawama byazhila;
Zakamai ku meso anji, anweba bonse ba pano pa ntanda!
10 Buulai bisaka bya bantu amba: “Yehoba waikala ke Mfumu!+
Ntanda* yaikajikwa, kechi bakonsha kwiifumyapo* ne.
Uchibila* mitundu ya bantu mambo monka mo aolokela.”+
11 Bya mwiulu bisangalale ne ntanda isekele;
Kalunga ka mema kapoote ne byonse bijimo;+
12 Mungye ne byonse bijimo bisekele.+